«آرچام»
كمينأنينگ سـؤيه‌ن باغي
يـالنگيز قالان يكه آرچام
حضـــورينگا اِنـچه داغي
گلديم سؤكه-سؤكه آرچام
اِنــچه قوراق يئلي يه‌نگيپ
گؤك قاليپ‌سينگ سووسيز اوْنگوپ
دنگينگدن آغلاپ هم دينگيپ
گچــــديم باقا-باقا آرچام
دگمه‌سين سانگا هيچ خزان
ياريماز ياپراغينگ اوزه‌ن
توْمسونگ جُووزاسينا دؤزه‌ن
اي دؤزيملي بؤكه آرچام
جرگلانينگ يوردوني سن
بزأپ دوران مردي‌مي سن
يكه‌ليگينگ درديني سن
اوْتينگ چكه-چكه آرچام
28/5 1379 هـ ش
«گؤزل گيجأنگ گؤزياشي»
نأچوين فريادسيز داميار
گؤزل گيجأنگ گؤزياشي
گونش دوْغاندا دينگيأر
گؤزل گيجأنگ گؤزياشي
نأمه گؤرگي گؤره‌ن‌كأ
كيملر سه‌لتنگ بره‌ن‌كأ
يا دؤزمه‌يأر قارانگقا
گؤزل گيجأنگ گؤزياشي
دوزولن موْنجوق يالي
گول‌لر اوستونده دوْلي
گؤك اؤنوم‌لنگ اقبالي
گؤزل گيجأنگ گؤزياشي
گؤزه‌لليگه گؤزه‌لليك
يوكلأپ عجب گؤزل يوك
گؤزل يوكه گؤنه‌زليك
گؤزل گيجأنگ گؤزياشي
زار آغلايان پري‌مي
دويولماديق سئري‌مي
آيئنگ مانگلاي دري‌مي
گؤزل گيجأنگ گؤزياشي
13/8/1379
«باريارين»
گؤره-بيلمه‌جگمي عقليم كسسه‌ده
سني گؤزلأپ ييتگيم سانگا باريارين
كؤنگلوم سندن ساواپ ايزا.تِسسه‌ده
ينه ســـانگا قارشئ أونگه باريارين
آنگلاتياندير بيــزه اِگريني دوغري
آنـگلاتياندير بيزه دوغريني اِگري
اوْنــدا-دا گيتمأگه تاپماني اوغري
آراليـــقدا دوران دينگه باريارين
عجيزليگمي دويدوم قالامدا گويجه
دوْقــلوغيمي بيلديم دوشامدا آجا
گونديزينگ قدريني بيلديردي گيجه
گـــونومي ياشيريپ دانگا باريارين
گؤكدأكي ييلديزلانگ بارين آغتاريپ
ياغتي‌دان ياغتي‌راق نورون آغتاريپ
أهلي قين‌چيليغينگ تأرين آغتاريپ
اوْيا باتيپ چونگدان چونگا باريارين
12/ 8/ 1378هـ ش
آشنایی با آنه محمد بیات ویادداشتهای روزشمار مناسبتهاي مختومقلي