فراغی نینگ سوراغینده
فراغینی سوراب داغلاراباردیم
داغلاردان سونگ یوراب باغلارا باردیم
ایکیسی هم مانگا جواب بردیلر
شولانگ جوابینا چیندانام زاردیم
داغا دیدیم گوزلاب گلدیم اولینی
گلجه گه ده گوز یتیرن ولینی
سوراغیما جواب بردی سونگی داغ
آق توقای دان تاب سن مختومقلی نی
باغلارا دا قاراب سوراغیم بردیم
فراغی هانی دییب اولاردان سوردیم
اما دیوانینی اوقاب گوره مده
دیدی آصلیم گوگلنگ اترک یوردیم
اترک دییب یولا دوشدیم یوره دیم
فراغینی اترکدن سورادیم
اول دینج آلیب یاتیر آتاسی بیلن
دیاندن سونگ گلیب اونی غورادیم
آق توقایا گلدیم شاخیری ایزلاب
اول حقداسوزلرمی قلبیمدا گیزلاب
مختومقلی کیم دییب آیلانیب یوردیم
من دییب مزاردان سس چیقدی سیزلاب
آتاسی آزادینگ یانیندا یاتیر
گوردیم سلاملاشدیم دیدی گل اوتیر
خلقیمینگ سلامین التیب بره مده
دیدی منگ سلامیم خلقیما یتیر
فراغینگ آدیندان اشدینگ سلامی
بوینیمدا غالماسین اونینگ کلامی
آتاسی بگندی اوزیندن بتر
شیدیب سیلاورینگ منینگ بالامی
فراغینگ روحینا بره مده سلام
دیدی خوش گلیب سینگ غورغینمینگ بالام
سلاملاشیب اوغشاشدیم من شول بیلن
سیز هم سلاملاشماق یانینا بارانگ
فراغینی سورادیم من گوره ندن
عصرلاب اولکامی بزاب دوراندان
عاشر بو سوزلرمی آیدماغا گلدیم (یولادیم سیزه)
آق توقایینگ غونگشی اوباسی کرندن
***
بولاندان سورانگ
ساغلیغینگ غادرینی بیلجک بولسانگیز
خستا لاب اولمانی غالاندان سورانگ
هر کیم بیلن یولداش بولجاق بولسانگیز
شول بیلن ایشله شیب گلندن سورانگ
آچدا بولسانگ نامارد طغامین داتما
آمانت قاوشیرلسا چتیندن گاتمه
نچیک کا غم سیغیب موزرلیب یاتما
اونی آیرالیقدا بولاندان سورانگ
سوزلری ملاییم غیزلار گوزه ل لر
نچیک شاخیر بولماز سیزدن کوینلر
عشق اودینی گوره نگوقمی اوزال لار
بیلر بولسانگ عاشق بولاندان سورانگ
کملیکدا کمال بار منلیکدا زوال
سورایارسینگ مندن بو نچیک احوال
یوق جواب تاپمارین ایلمه سوال
اونی بویرداکی گلیندن سورانگ
کیم یوز برسه اونگا اجه دیمه گی
بگنجگمی غیریب برسه غایماغی
یاش باشینگدا آیرالیغدا کویمه گی
یتیم بولیب آتادان غالاندان سورانگ
ایکی یوزلی بولدی خلقلارینگ یاری
غاوشادی اولارینگ نامیسی عاری
عاشر گوز یاش ادیب چکیارسینگ زاری
سببین بایلارینگ پولیندان سورانگ 29/07/1384
چین یالی یالان
یالانچی تانگری نینگ دوشمانی دییب
اوز بیلشیمدن بیرکیشینی آللاموق
کا بیر یالانچیلانگ کپلرین دینگلاب
کپلرا دال اوزلرینم حالاموق
یالانچی بولاسام ناحیلی بولار
هانی غوشغی بیلن آللاب گوره یین
اوندان سونگرا یر یوزینده انسانلانگ
آللاشینا گورا جواب بره یین
گزیب یورکام اوبامیزینگ ایچینده
اشیده نیم چیندان گویچلی یالانمیش
اونگ بیری بیر آدام اولیب گچنده
اوچ ییلدان دولانیب اویه گلنمیش
بیریندن اشیتدیم شیله بیر گورینگ
بیر باغ بار ایچینده یاتی برملی
من گوردیم اوندانام اون اسه اولی
ایچیندن باش ماشین اوتی برملی
اللی آدامی ییقان پهلوانی من
دیک آشاق گویبریب بیر تویدا ییقدیم
غایانینگ اویوزیندن بو یوزنه بولسا
دورانجا یریمدن غورقمانی بوکدیم
غارا اویینگ تگه لک غارا کچه سین
غایادان بوکماگه بیلیمه دانگدیم
اتگراگ بارامدا اللرمی آچیب
غایتادان اون اسسه آسمانا زینگدیم
سوا چومدیم چیقار وغتی چیقمادیم
یولداشلاریم اویناب یاداب گیدیب دیر
یاتیب قالیبدیرین سوینگ آستیندا
بیر گوردیم اوستیمه گوگ اوت بیتیب دیر
آجیغان واغتیمدا سیزلره دیسم
بیرجه اوتیرشیما بیرغوینی ایان
اوریشان واغتیمدا غورغمانی اورشیب
دولره ده قاراب دیجه گیم دیان
اون اینرینگ یوکین گرشیمه آلیب
شیله لیگده اون منزیلدن گچدیم من
اون تاباق نهاری اون چاناق چالی
بیر مجلیسده هم ایدیم هم ایچدیم من
گوترملی بولدیم بیر توننا داشی
ایکی ا لا دال بیرجه اله آلدیم من
خلقلار غویماغا جای تاپمان یورسه
ایکی بولیب ایکی جوبا سالدیم من
عاشر یردن یؤره یوقاردان گیدمه
بو دیان کپلرنگه هیچ کیم اینانماز
یالان آللاب خدای جانی اونیتما
یالانچی لار بو دنیاده گوننمز
***
18/03/1383